El Dogado de Miłan ze stà n'antico stato de l'Itałia setentrionałe mai del tuto indipendente ma fazente parte del Sacro Roman Inpero. Ozeto dełe guere Franco-Asburzeghe, ze stà sotoposto ała Spagna dal 1559 e a l'Austria dal 1707. Intè'l corso dei secołi ła so estensione ze varià molto, ałi inisi del '400, al tenpo de Gian Galeazzo Visconti, el Dogado ga tocà la so masema estension, vegnendo a conprendar quasi tuta ła Lonbardia, parti del Piemonte, del Veneto e de l'Emiłia, e n'efimera ocupasion de zone del çentro Itałia.